Ohar orokorrak

  1. Irakasgaia orri multzo batek osatzen du eta, aukeran, adar-taulek.
  2. Orri bakoitzak eduki motaren bat du eta, orokorrean, galdera batek ematen dio bukaera.
  3. Orri bakoitzak orokorrean erantzun multzo bat eskaintzen du.
  4. Aukera hori hartuz gero zabaltzen den testuaren zati bat izan dezake erantzun bakoitzak. Testu-zati horri emaitza esaten zaio.
  5. Aukera bakoitzari lotuta jauzi bat dago. Jauzi hori erlatiboa -orri hau, hurrengo orria- edo erabatekoa -irakasgaiaren orri bat edo irakasgaiaren bukaera zehaztuz-.
  6. Berez, lehen erantzunak (irakaslearen ikuspuntutikoa) irakasgaiaren hurrengo orrira eramaten du. Gainontzeko erantzunek orri berera eramaten dute. Hau da, lehen erantzuna aukeratzen ez bada, ikaslea irakasgaiaren orri berera itzuliko da.
  7. Hurrengo orria irakasgaiaren orden logikoak ezartzen du. Orden hori irakaslearen irizpideek zehazten dute. Orden hori aldatzeko irakasgaian zehar mugitu egin beharko dira orriak.
  8. Irakasgaiak nabigazio-ordena ere badu. Hau da ikasleek orriak ikusteko ordena eta bakoitzaren erantzunetarako zehaztutako jauziek ezartzen dute eta orden logikoa ez beste bat izan daiteke. (Hala ere, jauziek berez dituzten baloreak aldatzen ez badira, biak oso lotuta egongo dira). Irakasleak aukeran du orden logikoa berraztertzea.
  9. Ikasleak ikusten dituenean, galderak beti nahastuta egongo dira. Hau da, irakasleak ikusten duen lehen erantzuna ez du zertan izan behar ikasleak ikusten duen zerrendako lehena. (Gainera, erantzun-multzo bat erakusten den bakoitzean orden ezberdinean agertuko dira).
  10. Erantzun-kopurua aldatu egin daiteke orri batetik bestera. Adibidez, egia/gezurra motako galdera batek eman diezaioke bukaera orri bati eta beste batzuk erantzun egokia eta nahasteko hiru dituzten galderak izan ditzakete.
  11. Erantzunik gabeko orriak sor daitezke. Ikasleari erantzun-multzoaren ordez Jarraitu esteka erakutsiko zaio.
  12. Irakasgaiak ebaluatzeko asmoz, erantzun egokiak orden logikoaren araberako hurrengo orrira eramaten dutenak dira. Erantzun okerrak orri berera edo orden logikoaren araberako aurreko orrira eramaten dutenak dira. Beraz, jauziak aldatzen ez badira, lehen erantzuna litzateke egokia eta gainontzekoak okerrak.
  13. Galdera batek erantzun egoki bat baino gehiago izan dezake. Adibidez: bi erantzunek eramaten badute hurrengo orrira, biak hartuko dira egokitzat. (Nahiz eta ikasleei xede-orri bera erakutsi, emaitzaren testua ezberdina izan daiteke erantzun bakoitzean.)
  14. Irakasleak erantzun egokiak azpimarratuta ikusiko ditu irakasgaian eta bakoitzaren Erantzun-etiketarekin.
  15. Adar-taulak irakasgaiaren beste orri batzuetarako esteka-multzoak dituzten orriak dira, besterik gabe. Gehienetan,  Eduki-taula izaera duen adar-taulak ematen dio hasiera irakasgaiari.
  16. Adar-taula bateko esteka bakoitzak bi osagai ditu: deskribapena eta xede-orriaren izenburua.
  17. Adar-taula batek irakasgaia adar (edo atal) multzo batean banatzen du. Adar bakoitzak hainbat orri izan ditzake (gai beraren ingurukoak izan ohi dira). Normalean, adar baten bukaera Adar-Bukaera orri batekin adierazten da. Orri berezia da hau eta, berez, aurreko adarreko taulara eramango du ikaslea. Adar-bukaera bateko "atzera" aldatu egin ahal da, hala nahi izanez gero, orria editatuz.
  18. Irakasgai batean adar-taula bat baino gehiago egon ahal da. Adibidez, era erabilgarrian antola daiteke irakasgai bat puntu bereziak adar nagusietako azpiadarretan ezarrita.
  19. Garrantzizkoa da ikasleei irakasgaia bukatzeko modua eskaintzea. Hau egiteko adar nagusian "Irakasgaia bukatu" esteka ezar daiteke. Ekintza honek Irakasgai-bukaera orrira (balizkoa) eramango luke.. Beste aukera bat, irakasgaiaren azken adarra erabiltzea da (hemen, "azken" terminoak orden logikoa adierazten du) irakasgaiaren bukaerarako joanda soilik. Hau da, irakasgaia ez da bukatzen Adar-bukaera orri batekin.
  20. Irakasgai batek adar-taula bat edo gehiago baditu, arrazoizko balore batera ekarri behar da "Gutxieneko galdera-kopurua". Horrela, kalifikazioa kalkulatzen denean ikusitako orri-kopuru txikienera eramaten da. Parametro hau horretara ekartzen ez bada, ikasleak irakasgaiaren adar bakarrera joateko aukera izango du, galdera guztiei egoki erantzun eta irakasgaia utzi kalifikazio altuena lortuta.
  21. Gainera, adar-taula bat bistaratzen denean, ikasleak aukera du behin baino gehiagotan beratara jotzeko. Kalifikazioa, ordea, erantzundako galdera bakar kopurua erabilita kalkulatzen da. (Benetan, kontrakoa gertatzen da: kalifikazioa baxuagoa izango da ikusitako orri-kopurua zatitzaile erabiltzen baita kalifikazioa kalkulatzeko errepikapenak erabiltzen direnean). Ikasleei irakasgaian duten aurrerapena argi azaldu nahian, zenbat galderari erantzun dioten egoki, zenbat orri ikusi duten eta orri bakoitzean unean unean duten kalifikazioa zehazten zaie.
  22. Irakasgai-bukaerara iritsiko da esplizituki haraino jauzi eginda edo irakasgaiaren azken orritik (orden logikoa) hurrengo orrira jauzi eginda. Ikaslea irakasgai-bukaerara iristen denean zorion-mezua jaso eta kalifikazioa erakutsiko zaio. Kalifikazioa erantzun egoki-kopurua zati ikusitako orri-kopurua bider irakasgaiari ezarritako kalifikazioa izango da.
  23. Ikasleak ez badu irakasgaia osorik burutzen, berriz bertaratzen denean aukeran izango du hasieratik edo emandako azken erantzun egokitik hasi.
  24. Berriz ekinnaukera duen irakasgai batean, ikasleak aukeran du irakasgaia errepikatzea emaitza altuena lortu arte.